موقف صعب

كله فى الكلتش


الكلام بقة بيحكية حسين صاحبى هو شغال محامى
زيى متخصص فى القضايا المدنية
لما روحت ازورة فى المستشفى وقلت له احكى اللى حصل

قاااااااااااااااااااااااااااااااااااااااااااااااااااااااااال

من كام يوم جانى واحد المكتب
ومن خبرتى اللى تعبانى دايمآ عرفت انه كان موكل
عند كذا محامى قبلى وللأسف كلهم ماتوا فى ظروف غامضة
وموتاتهم جميعآ مأساوية جدآ


جانى راجل كبير فالسن تقدر تقولوا علية 80 او 85 سنة
ومعاه ميكروباصين عاملين زى علب السردين
مليانين رجالة اصغر مافيهم 50 سنة ومعاة بندقية اطول من عمتة
( العمة غطاء الرأس ) مش اخت الاب
بس الواحد فيهم ولا احسن بودى جارد
وشكلة بالجلابية والعمة تقرف ما تحطة
ولمؤاخذة تحت باب شقتك تدوس علية وانتا داخل

لما تسمع صوت المدام بتقول لك :ـ
امسح جزمتك علشان انا مسيأه الارض الصبح

سيبكم مالمدام وخلينا فى المعلم دة

دخل الراجل وبإشارة من صباعة الصغير
اللى نفس حجم كفة ايدى

طلع كل الرجالة اللى ملت المكتب برة


قعد وسأل عن استاذى ( صاحب المكتب)

عرفت على طول انه جاى على سمعة المكتب
واعتذرت له عن عدم وجودة

لقيتة ضرب الارض بالنبوت بتاعة انا عن نفسى خفت
وكنت حنزل تحت المكتب واقولة فعرضك فى طولك سيبنى اعيش

بس بصراحة احترامة ليا منعنى
وعلشان ابقى صريح قوى معاك مش احترامة بس
لأ دة المنديل بتاعى كمان اللى عملت نفسى بدور علية
وسيبتة وطلعت برة المكتب
انا مقاطعآ :ـ انا اول مرة اعرف انك بتشيل مناديل يا سحس
دة انتا طول عمرك بتدوب اكمامك قبل لياقاتك من الموضوع دة
حسين :ـ سيبنى اكمل يا اخى متبقاش كدة

لقيت 12 نفر واقفين على باب المكتب دة غير اللى قاعدين على الارض

وباقى الاساتذة اللى معايا فى المكتب
كتر خيرهم سابواااااا المكتب وطفشوا بحجة
انهم بيجيبوا حاجة ساقعة

تخيل يا رامى يا اخويا ساعتين بيجيبوا حاجة ساقعة
وانا لما كنت بجيبها وانا قاعد عالمكتب بمد ايدى
افتح تلاجة البقال اللى جنبنا
وكلة ولا اليوم اللى عرض فية البقال على مستر صفوت ان يحط فى مكتبنا
شيبسى ولبان وبسكويت علشان الكشك بتاعة مش مكفى

وشوية الاقى المعلم اللى جوة
بينادى يقول يااااااااااااااد يا حسن يا عبدة

انا مسميش حسن ولا عبدة
بس رديت مالخوف

ايوة ياعمى

ابص الاقى لكم اتنين بسم الله ماشاء الله
زى الجماعة النجعاوية فى الفيلم بتاع شنب النجعاوية
كل واحد فيهم يسد عين الشمس بجد

انا اول ما عرفت انهم من دشنا
اكبر واهم المراكز فى قنا اتأكدت بجد
من احتمالية دفن مخلفات نووية فى القرية دى
علشان كدة الواد بيتولد ومعاه سبعطاشر شنب
وعليهم تسع رجالة فى بعض
علشان يبقى العيل بعشر رجالة والراجل بعشرين شنب

دخلت المكتب جرى على نداااااااء المعلم الكبير دة
اؤمر ياعمى

قاللى انا تقوللى ياعم الحاج
كنت حستعبط وارد علية اقولة لآ مأكد ذاتك يا أخويا
بس بصراحة
خفت من التسعمية واحد اللى اسمهم حسن

اصلة كان دايمآ بيبص على قفايا من تحت لياقة القميص

ايوة اؤمر ياعم الحاج

قاللى :ـ ادى رقم الاستاذ الافوكاتو لحسن علشان يتصل بيه

وطبعآ مراعاة لمبادىء الجرى نص الجدعنة
وكمان الغاية تبرر الوسيلة
وعملآ بمقولة الريس
الشغل كتير بس الشباب بيتدلع

قلت له :ـ ياعم الحج هو ساكن فوق المكتب الدور الرابع سيبنى وروح له

عم الحج بكل عقلانية وثقة :ـ لا ميلزمناش الكلام ديتى
( ديتى = دة ) متقولش الحديت ديتى تانى عيب عليك
الحديت ديتى = الكلام ديتى = هذا الحديث

قلت له :ـ حاضر ياعم الحج
لقيت لكم اخينا حسن بيحط ايدة على كتفى وساعتها عينى مشافتش حاجة خالص غير شوية شنبات هيأت لى وانا مغمى عليا
فيلم مملكة الخواتم او تروى مش فاكر دلوقتى
لما كانت النسور بتطير فوق الجثث بعد الحرب

صحيت لقيت خدى اليمين والشمااااااااال
آآآآآآآآآآآآآآآآآآآآآآآه آآآآآآآآآآآآآآآآآآآآآآآآآه
وجعينى قوى

ولقيت ا/ صفوت واقف قدامى
مسكت كمة وكلبشت فى جاكيت البدلة
وقلت له :ـ ورحمة ميتينك كلهم ودينى عند امى

انا وحيد امى وابويا ميت وملهاش غيرى عايز اعيش علشانها

اللى فوقنى بقة ان مستر صفوت ( زى ما بقوله دايمآ )
عارفنا وعارف اخواتى واحد واحد
وممكن يبيعني ويقول لهم ان معايا 3 اخوات تانى

لقيتة قاللى :ـ متخافش دة الحج الهلالى جاى عايزنى

قمت من على الارض فكى مش حاسس بية خالص
وعلى رأى عبد الباسط حمودة
ابص لروحى فجأة لقيتنى كبرت فجأة كبرت
تعبت مالمفاجأة ونزلت دمعتى
لقيت لكم فكى وخدودى
منورين قوى من كتر الحماااااااااااار اللى فيهم
وكبااااااااااااااااااار قوى من الورم
هو انا ساعتها كنت دفيان قوى وخدودى
فيها خطوط عريضاااااااااااااااا
انا قلت يمكن نسوا وكتبوا على خدى بس لما اتغير لون الخطوط للأسود
عرفت جات منين الالوان دى
لقيت الكل بيضحك ويهزر ولا كأننى
كان مغمى عليا

وعلشان مطولش عليكم اللى حصل انى اخدت لى قلمين من سى حسن علشان افوق لما أغمى عليا

المهم قعدنا انا والحج هلالى ومستر صفوت فى المكتب لوحدينا

الحج هلالى قال :ـ
مخبيش عليك يا متر صفوت
بعد ما مات الاستاذ عبدة الافوكاتو

بالمناسبة الاستاذ عبدة الافوكاتوا دة
اتحرق مكتبة وهو محبوس جواة حى

حبيت اجيب لحضرتك القضية تتولااها بمعرفتك
وانتا طبعآ عارفها دى بقت قضية رأى عام فى دشنا
اكيد سمعت عنها

لقيت مستر صفوت بيقول :ـ
والله يا حج هلالى القضية بتاعتك صعبة قوى
وخصوصآ بعد ال 20 نفر اللى ماتوا الشهرين اللى فاتوا

الحج هلالى :ـ البركة فيك يا متر وانا داى على سمعة المكتب ( داى = جاى )

خلاص يا حج :ـ مع حضرتك الاستاذ حسين
احكى له عن القضية وهو حيتولااها

انا ساعتها محسيتش بحاجة غير بمية دااااااااااااااافيااااااااااااااه
نازلة منين معرفش
فقلت له على طول :ـ
لا يا مستر صفوت انا سيبت المحاماه من زمان
ومش حعرف اكمل معاك فى المكتب
السلااااااااااااااااااااااام عليكم
دة اللى قلتة ساعتها والمية ( العرق) شغال يتكب
وطالع برة الاوضة
( متفهمونيش غلط المية كانت عرق مش حاجة تانى)
لقيت عمى وعمك وعم كل الناس
الاستاذ السيد المحترم المبجل
سيدى وسيد الناس الاستاذ الكبير الدكتور
( مش حقدر اقول بروفيسور ليفتكرها شتيمة)
عم الحج حسن واقف قدام الباب

بيقوللى :ـ خشششششش جوووووووووووووووووة

دخلت وعلى طول مسكت ملف جديد وكتبت علية

عم الحج حسن الهلالى

ضــــــــــــــد


وساعتها سألت :ـ عم الحج انتا عايز تشتكى مين واية الموضوع؟

وكل اللى فمخى انى املأ الفراغات بتاعة الملف وينتهى الموقف ومش عايز فلوس ال3 اسابيع اللى قعدتهم فى شهر 3 بس عايز اروح بيتنا

لقيت حسن بيقول

أ أ أ سف عم الحج حسن بيقول :ـ
انا متاخد منى فدانين ارض اخدوهم عيال ابو حريق جيراننا فى الارض
الكلام دة انا ما أوعاش علية
( مفتكرهوش = معرفهوش)
علشان كنت زغير ( صغير) لما ابويا سابها لى واتكل ( مات) بس امى قالت لىقبل ما تموت دور على عرضك يا وليدى ولما فضيت صندوقها ( فضيت = فتحت ، صندوقها دى عايزة شرح بس عامة صندوق الحريم فى الصعيد زى الدولاب فى الحضر بس على هيئة صندوق كبير بتحط فية كل ما يلزمها ) وبالمناسبة لما يكون فية ازمة اقتصادية وسلعة معينة مش موجودة فى السوق بتلاقيها فى الصندوق دة

لقيت فيه حجة ( عقد ) الاتنين فدان دولا
وهما مش راضيين يدوها لنا ابدآ لأنها بقت فى نص ارضهم

حسين :ـ طيب يا حاج ما تطلبوا تمنهم وخلاص

قاللى دولا بيجيبوا اكتر من تنين ( اتنين) مليون جنة فى السنه اسيبهم ازاى؟

انا قلت لعم الحج هلالى :ـ خلاص نرفع قضية بيهم
فقاللى :ـ ازاى احنا مش عاوزين الحكومة تعرف حاجة عنهم وااااصل ( خالص) غير بعد ما نقلع الزرعيات ( الزرع المزروع فى الارض) فعرفت على طول انها مزروعة مخدرات

وقلت لو حتى حيدونى فيها ملايين عمرى ما حقبل القضية دى

وزى ما انتا شايف عملوا فيا اللى مش قادرين يعملوة فى اللى واخد منهم ارضهم

ربنا يسااااااامحهم