حسن باشا وكله فى الكلتش

بسم الله الرحمن الرحيم
احببت ان اعود اليكم
بشىء جديد وحصرى من كتابتى

كنت اهديت النسخة الاصلية منه لمنتدى مجانين

وانا لسة عند وعدى وأشكر كل اخوانى بالمنتدى

اللى ساعدونى فى عمل هذه المدونة

حسن باشا

حسن باشا ضابط شرطة على نياتة ودمة خفيف ويمكن يكونوا اللى بيتعاملوا معاة دمهم اخف بس حسن باشا من اول ما دخل كلية الشرطة وهو اتغير خالص مع كل اللى حوالية بعد ما كان واد فرفور من العيال اللى بيقعدوا يلفوا فى شارع جامعة الدول العربية علشان يدور له على مزة حلق شعرة ظلبطة
دة طبعآ غصب عن عين الست والدتة
العموم حبدأ من بعد تخرج حسن باشا من الكلية ولأنة مجابش مجموع عالى كان اول تعيينة فى المحافظات ويتشرف انة خدم عندنا فى قنــــــــــــــــــــــــــا
مسك فى الاول نقطة مرور بقرية دندرة اللى فيها المعبد الشهير جدآ ( معبد دندرة )

اول يوم
وقف عربية نقل محملة حمير وخرفان ( ولمؤاخذة)
قال للسواق :ـ رخصك وبطاقتك
السواق :ـ اتفضل يا باشا
حسن باشا :ـ رايح فين بإخواتك

السواق :ـ سمعت كلية الشرطة فتحت باب التقدم موديهم اقدم لهم فيها
حسن باشا :ـ طيب ربنا يخلى لك الجاموسة اللى رضعتكم
مشى السواق وحسن باشا واقف فى الكمين يشوف العربيات و يقطع فى المخالفات
وهو مشغول بحاجة واحدة ان دة مكانش طموحة فى الاول
كان عايز يبقى حاجة اكبر من كدة بس ما باليد حيلة صعبت علية نفسة وقال ادخل اشرب لى كوباية شاى فى مكتبى احسن
ساب المولد لأمين شرطة ودخل مكتبة
لقى العسكرى بيقوله الحقنى يا باشا
فية واحد بيقول انة مدير الامن
جرى على التليفون الو الو الو
محدش رد علية
قفل السماعة لقى التليفون بيرن تانى
حسن باشا:ـ الو
مدير الامن :ـ ايوة انتا حسن جندى
حسن باشا:ـ تمام يا فندم انا هو

مدير الامن :ـ هو مين
حسن باشا:ـ حسن جندى اجيب لك البطاقة؟

مدير الامن :ـ لا ياسى حسن خلاص

حسن باشا:ـ طيب هات بطاقتك انتا

مدير الامن :ـ اية يا ابنى ؟؟؟

حسن باشا:ـ لا خلاص بهزر معاك هو فية اية؟

مدير الامن :ـ انتاااااااا حسن ولاااا مش انتا يا ابنى حرام عليك

............... انتا حسن ولا لأ؟

حسن باشا:ـ ايوة يا فندم انا حسن وبالأمارة بيدلعونى حسحس
مدير الامن :ـ فى بالة ( الواد دة اهبل باين علية )
اسمع يا حسن تيجينى يا ابنى هنا مكتبى السيد مساعد الوزير موصى عليك قوى
حسن باشا:ـ اصلى انا حتجوز بنتة يا باشا
مدير الامن :ـ الف مبروك يا ابنى بس تيجينى بكرة تستلم عندى فالمكتب
حسن باشا:ـ حاضر يا فندم والف شكر يا مااااااااااان
مدير الامن :ـ مان اية يا ابنى تقول حاضر يا فندم
حسن باشا:ـ خلاص يا باشا ولا تزعل نفسك انا سمعت ان عندك ضغط وسكر وشاى

وشوية امراض كدة اهم حاجة متزعلش نفسك خالص
مدير الامن :ـ قفل السكة على طول

تانى يوم استلم حسن باشا فى مكتب مدير الامن فى مكتب السكرتارية علشان الشغل خفيف عليهم

تالت يوم بقة

صحى مدير الامن فى بيتة وبيتصل بالمكتب

عايز يتطمن على الشغل ليلة امبارح مشى ازاى لقى التيفون مشغول حوالى ساعتين واخيرآ رن ترررررررررررررررنترررررررررررررررررررررررررررن
مدير الامن :ـ الو الو الو
حسن باشا :ـ يابت يا سوزان قولى لأبوكى اية اسم مدير الامن فى قنا علشان لسة معرفتش اسمة
مدير الامن :ـ سوزان مين يا بيييييييييية انتا اللى شاغل التيفون انا على محمود مدير الامن
حسن باشا:ـ اهلآ يا باشا نورتنا وحصل لنا الشرف والله

اصلى سوزان هانم دى خطيبتى بنت مساعد الوزير ههههههههه
مدير الامن :ـ طيب يا حسن اية اخبار الشغل

حسن باشا:ـ كلة السطا يا معلم
مدير الامن :ـ نعم يا ابنى!!!!! ؟

حسن باشا:ـ لمؤاخذه يا باشا كلة تمام
مدير الامن :ـ طيب كان فية مباريات امبارح بعتتوا التأمين زى ما قلت لكم؟
حسن باشا:ـ ياباشا المصابين فى مستشفى القصر العينى والحكام ماتوا
مدير الامن :ـ الله يخرب بيت ابوك ازاى المباراة اتقلبت خناقة ؟

وازاى متقولوليش؟

حسن باشا:ـ يافندم اللواء عباس مساعد الوزير اتصل وبلغتة بالأخبار دى والصحافة كتبت حتى

السيد جمال مبارك اتكلم فى الموضوع عالتليفزيون وقال

ان دى مش روح الرياضة فى مصر لازم اللعيب اللى يطلع يدخل مكانة ابنة

مدير الامن :ـ يالهوووووووووووى يا ابنى ما تتصلوا بيا واتصرفتوا ازاى؟؟الله يخرب بيت ابوك انا كنت فين من دة كلة ؟؟؟؟؟؟؟!!!

حسن باشا :ـ فى العسل يا باشاااااا هههههههههههههههههه
بقول لحضرتك يا فندم هو عباس باشا متصلش بيك؟
مدير الامن :ـ لأ لية ؟
حسن باشا:ـ اصل انا قلت له انك فى البيت التانى قاللى لية ؟ هو متجوز تانى ولا اية؟ قلت اكيد
حسيت انة يعرفك اكتر منى بصراحة حسيتة انتيمك خاااااالص

مدير الامن :ـ لولآ انك ظابط لكنت ضربتك بالجزمة دة اخو المدام يا ابن ال ..........
حسن باشا:ـ يا باشا انتا نسيت نفسك ولا اية ؟انا ظابط مش عسكرى عندك
ثم انا مالى بمشاكلكم دى تحلوها مع نفسكوا وياداخل بين البصلة ومدامتها ماينوبك إلا ريحتها

مدير الامن :ـ قفل السكة فى وشة وعشر دقايق كان فى المكتب وهو على كلمة واحدة
هاتوا لى حسن هاتوا لى حسن
العسكرى :ـ حسن باشا نزل يفطر معاليك
هاتوا لى رئيس المباحث وكلموا لى المأمور بسررررررررررررررررررررعة
جة رئيس المباحث والمأمور واخيرآ جة حسن باشا
ودخلوا لمكتب مدير الامن :

مدير الامن :ـ اية اخبار المباريات بتاعة امبارح يا بشوات وازاى انا معرفش بدة فوقتة؟؟
رئيس المباحث ، المأمور:ـ كلة تمام يا فندم

حسن باشا:ـ بأستغراب البورسعيدى هزم الاهلى 5/ 1 وفية ناس اتصابت
مدير الامن :ـ يا حسن باشا انا على المباريات اللى هنا فى قنا بين الشبان ونادى البحر
حسن باشا:ـ ماتقول كدة يا باشا انا فاكرك رياضى العموم كلة تمام التمام

مدير الامن :ـ واية اللى عملتة مع عباس باشا دة يا محترم

حسن باشا:ـ انا مستعد اعتذر للمدام وابوسها لك كمان

مدير الامن :ـ تبوس مين يامحترم؟؟!

حسن باشا:ـ راسها يا باشا راسها

مدير الامن :ـ اتفضل اطلع على مكتبك دلوقتى

حسن باشا :ـ طيب قاعدة لية برة ما تدخلها على طول
رئيس المباحث بيهدى الجو:ـ لية هو عاكس لك المدام يا باشا ؟
مدير الامن :ـ والنبى انتا كمان تسكت وشوف له شغلانة عندك انا مش حطيقة فى مكتبى تانى
المأمور :ـ انا عايز ظابط عندى فالقسم يا باشا سلمة لى وانا حربية
مدير الامن خلاص انا حمضى لك على ورقة على بياض اهوة اكتب عليها الطلب واستلمة عندك

وكله فى الكلتش

مواقف حسن باشا