مواقع التواصل الاجتماعى , الفيس بوك

صباح الورد عليكم 

الساعة دلوقتى 3 العصر او الضهر مش فارقة معايا 

حتكلم انهارده فى حوار فاكس جدى وغايظنى بصراحة 

كتاب الوجه او الفيك بوس او الفيس بوك 

من زمان قوى واحنا بنقرا وبنسمع الثورة التكنولوجية فى مصر والتطور الكبير اللى شفناه فى عهد أمبارك لحد ما جات على قفاه لما عيًن نظيف وقاله الاخير البعيد المحروق يا زفت الطين يا ريس بالتكنولوجيا حموت لك الشعب ده وحلهية (سوف اجعله يلهو) عنا وبرضه الاَخر جات على قفاه.

اللى غايظنى انا بقه فى الموضوع ده شبكة الفيك بوس 

( وده اللفظ اللى قاله احد امناء الشرطة عن كيفيه الترتيب لأعتصاماتهم بعد انتهاء حركه الاحتجاجات الشعبية فى مصر فى اعقاب الثورة)

لما المذيعة المحترمة بتساله انتوا نسقتوا الاحتجاج بتاعكم ازاى بما انك المتحدث الرسمى عنهم قال لها :ـ على الفيك بوووووووووووووس الفيس بوك كان زمان موقع غلس قوى على قلبى ( وده قبل الثورة طبعآ) ومكانش فيه اى شىء يشجع انى ادخل عليه غير جروبات السياسة وقامت ثورة الفيس بوك الاقى البقال اللى تحتينا عامل لى لايك وشير وكمان طلب صداقة يالهووووووووووووووووى على رأى

ام جلمبو الطباخه تلاقى واحد واقف وسط الميه ومشمر رجلين بنطلونه وواقف تحت يافطة مكتوب عليها الشاطىء العام بسفاجا وكاتب تحت الصورة الرحلة الاولى فى شرم الشيخ بعد رحيل مبارك عنها (ههههههههه) طيب انتا يا روح طنت مكنتش قادر تبص فى الصورة كويس وتقرأ اللى مكتوب على اليافطة اللى وراك طيب بلاش كده لما عم حامد بتاع الفول مات ( اقروا مواضيعى السابقة) ليه وايه اللى خلا عم حسنى يصمم انه يشترى محل الفراخ ويعمل له اكونت كمان عالفيس خلاص بقت ناقصة هى ولو يوم مفتحتش فيسك تلاقى اليوم اللى بعده ميه اشعار يقول لك ان بنت خال اخت امك فى الرضاعة قالت تحت حالتك المزاجية هههههههه يافرحة امى بيا امى اللى ربتنى وعلمتنى لحد ما بقيت راجل وكبرت واتجوزت وطلقت طلقتين واتجوزت تانى وطلقت ورجعت للأولى وخلفت من الاتنين حتفرح قوى بيا وباللى بعمله للبلد لما حقعد عالفيس بوك اعمل شير لجروب انا وانتا والهوا يا خرااااااااااااااشى بقى انا قعدت خمسه ابتدائى وتلاته اعدادى وتلاته او خمسة ثانوى وتسعة كلية علشان اعمل شير لجروب انا وانتا ولا جروب المخطوبين اولا يا حسرتى على التعليم الزفت اللى اتعلمته ولا اسال على ابن عمى يقولوا لى انتا مش بتقابلة عالفيس هو ما قالكش ؟؟؟؟ على ايه يا اخواننا ؟؟؟ يقولوا لى عمل حادثة ؟؟ والله ما اعرف ازاى مقالش ليا لما سلمت عليه عالفيس بوك ؟؟ قالوا تلاقى الباشا كان فى جروب بنات فى بنات فمنتبهش لك اااااااااااه كان فى جروب بنات فى بنات لاااااااااا كتر خيره والله انا مش ضد مواقع التواصل عمومآ بس كل الحكاية انا ضد انى اعرف ان استخدام السكين مقتصر فقط على التقطيع وامسكها اهرش بيها فى قفايا نرجع للفيك بوس لما انا جاهل اصلآ بالشىء وحابب اعرفة واعرف اى شىء عنه خلاص بقة اخد الشىء اللى يفيدنى منه واسيب اللى يعمل لى كاللو فى دماغى امبارح قاعد مع واحد صاحبى من ايام المدرسة الثانوية بيشتغل مدرس الاقى المعلم بيصحح كراريس الطلبه وكل كراسة بلا استثناء مكتوب عليها اكونت باسم صاحبها عالفيس بوك فبقول له يا امجد انتا بتقعد عالفيس بوك قال لى ااااااااه طبعآ طيب يا امجد يا حبيبى ازاى بتابع الاود على الفيس ؟ قال لى اولاد ايه ياعم انا فاضى لهم ؟ فقلت له انا مش على اولادك إنتا . انا على الطلبه امال ليه كاتبين اكونتات الفيس على كراساتهم قال والله ما اعرف ولا اخدت لبالى اصلآ بصرف النظر عن امجد لأنى اساسآ بهدلته تعالوا شوفوا الاكونتات بتاعتهم نبدأ بالعربى.

فصل تالته رابع .. الاخ ده مسجل باسم الفصل كله شكله كده هو اللى ماسك الغياب ميدو العسل ... ياسلام عالثقة بالنفس بس يا بابا شيل الدبان من على وشك الاول احمد محمد محمود ... على اعتبار كده انه مشهووووووور واتعرف من اسمه

نانو عباس ... نانو عباس ده اسمة الحقيقى ناحى بالحاء مش بالجيم وسموه كده 

                   علشان الحسد.

ميدو لوئه ... اسمه الحقيقى محمد علاء انا مش عارف بيدلع مين بالظبط نفسه ولا 

                   بيدلع ابوه. 

هيما الروش ... طبعآ ده اسمه ابراهيم ولو شفت صورة الروش ده حتقرف ما تاكل 

                    اسبوووووووع.

بذمتكم دى تبقى ثوره تكنولوجية ولا ثورة استعباطية كل اللى عملته انها عرفت الاشكال دى بالفيك بوووووووووس أ أ أقصد الفيس بوك 

آدى اهم انجازات السيد المحبوس امبارك فى السنوات العشر الاخيرة

حسبنا الله ونعم الوكيل  

رامى محمود عيسى

جميل وفارس واستاذ ومعلم

جميييييييييل والله جمييييييل

أنصفوا مصر مقال للكاتب السعودي جميل فارسي : بتاريخ 18 - 6 - 2008

يخطئ من يقيّم الأفراد قياساً على تصرفهم في لحظه من الزمن أو فعل واحد من الأفعال ويسري ذلك على الأمم, فيخطئ من يقيّم الدول على فتره من الزمان, وهذا للأسف سوء حظ مصر مع مجموعة من الشباب العرب الذين لم يعيشوا فترة ريادة مصر. تلك الفترة كانت فيها مصر مثل الرجل الكبير تنفق بسخاء وبلا امتنان وتقدم التضحيات المتوالية دون انتظار للشكر.

هل تعلم يا بني أن جامعه القاهرة وحدها قد علمت حوالي المليون طالب عربي ومعظمهم بدون أي رسوم دراسية؟ بل وكانت تصرف لهم مكافآت التفوق مثلهم مثل الطلاب المصريين؟ وهل تعلم أن مصر كانت تبتعث مدرسيها لتدريس اللغة العربية للدول العربية المستعمرة حتى لا تضمحل لغة القرآن لديهم, وذلك كذلك على حسابها؟ هل تعلم أن أول طريق مسفلت إلى مكة المكرمة شرفها الله كان هدية من مصر؟

حركات التحرر العربي كانت مصر هي صوتها وهي مستودعها وخزنتها. وكما قادت حركات التحرير فأنها قدمت حركات التنوير. كم قدمت مصر للعالم العربي في كل مجال، في الأدب والشعر والقصة وفي الصحافة والطباعة وفي الإعلام والمسرح وفي كل فن من الفنون ناهيك عن الدراسات الحقوقية ونتاج فقهاء القانون الدستوري. جئني بأمثال ما قدمت مصر.

وكما تألقت في الريادة القومية تألقت في الريادة الإسلامية. فالدراسات الإسلامية ودراسات القرآن وعلم القراءات كان لها شرف الريادة. وكان للأزهر دور عظيم في حماية الإسلام في حزام الصحراء الأفريقي، بل لم تظهر حركات التنصير في جنوب السودان إلا بعد ضعف حضور الأزهر. وكان لها فضل تقديم الحركات التربوية الإصلاحية.

أما على مستوى الحركة القومية العربية فقد كانت مصر أداتها ووقودها. وإن انكسر المشروع القومي في 67 فمن الظلم أن تحمل مصر وحدها وزر ذلك, بل شفع لها أنها كانت تحمل الإرادة الصلبة للخروج من ذل الهزيمة.

إن صغر سنك يا بني قد حماك من أن تذوق طعم المرارة الذي حملته لنا هزيمة 67, ولكن دعني أؤكد لك أنها كانت أقسى من أقسى ما يمكن أن تتصور, ولكن هل تعلم عن الإرادة الحديدية التي كانت عند مصر يومها؟ أعادت بناء جيشها فحولته من رماد إلى مارد. وفي ستة سنوات وبضعة أشهر فقط نقلت ذلك الجيش المنكسر إلى اسود تصيح الله أكبر وتقتحم أكبر دفعات عرفها التاريخ.مليون جندي لم يثن عزيمتهم تفوق سلاح العدو ومدده ومن خلفة. بالله عليك كم دولة في العالم مرت عليها ستة سنوات لم تزدها إلا اتكالاً؟ وستة أخرى لم تزدها إلا خبالا.

ثم انظر, وبعد انتهاء الحرب عندما فتحت نفقاً تحت قناة السويس التي شهدت كل تلك المعارك الطاحنة أطلقت على النفق اسم الشهيد أحمد حمدي. اسم بسيط ولكنه كبر باستشهاد صاحبه في أوائل المعركة. انظر كم هي كبيرة أن تطلق الاسم الصغير.

هل تعلم انه ليس منذ القرن الماضي فحسب، بل منذ القرن ما قبل الماضي كان لمصر دستوراً مكتوباً.

شعبها شديد التحمل والصبر أمام المكاره والشدائد الفردية، لكنه كم انتفض ضد الاستعمار والاستغلال والأذى العام.

مصر تمرض ولكنها لا تموت، إن اعتلت اعتل العالم العربي وان صحت صحوا, ولا أدل على ذلك من مأساة العراق والكويت, فقد تكررت مرتين في العصر الحديث, في أحداها وئدت المأساة في مهدها بتهديد حازم من مصر لمن كان يفكر في الاعتداء على الكويت, ذلك عندما كانت مصر في أوج صحتها. أما في المرة الأخرى فهل تعلم كم تكلف العالم العربي برعونه صدام حسين في استيلاءه على الكويت؟. هل تعلم إن مقادير العالم العربي رهنت لعقود بسبب رعونته وعدم قدرة العالم العربي على أن يحل المشكلة بنفسه.

إن لمصر قدرة غريبة على بعث روح الحياة والإرادة في نفوس من يقدم إليها. انظر إلى البطل صلاح الدين, بمصر حقق نصره العظيم. أنظر إلى شجرة الدر, مملوكة أرمنية تشبعت بروح الإسلام فأبت ألا أن تكون راية الإسلام مرفوعة فقادت الجيوش لصد الحملة الصليبية.

لله درك يا مصر الإسلام لله درك يا مصر العروبة

إن ما تشاهدونه من حال العالم العربي اليوم هو ما لم نتمنه لكم. وأن كان هو قدرنا, فانه اقل من مقدارنا واقل من مقدراتنا.

أيها الشباب أعيدوا تقييم مصر. ثم أعيدوا بث الإرادة في أنفسكم فالحياة أعظم من أن تنقضي بلا إرادة. أعيدوا لمصر قوتها تنقذوا مستقبلكم.